मुम्बई(एजेन्सी) । महामण्डलेश्वर बनेर विवादमा तानिएकी अभिनेत्री ममता कुलकर्णीले हालै ब्रतमाथि एक विवादित कुरा बोलेकी छन् । उनले कुनै समयमा आफू दिनमा ब्रत बसेर राती मदिरा पिउने गरेको खुलासा गरेकी हुन् । उनले मदिरा पिए पछि कैयौं घण्टासम्म बाथरुममा बस्ने गरेको खुलाएकी छन् ।
हालैमात्र ‘आप की अदालत’मा पुगेकी ममतालाई फिल्ममा भएको समयमा नवरात्रको ब्रत राखेर बेलुका ताज होटलमा दुई पेग स्कच लगाउने गरेको विषयमा सोधिएको थियो ।
‘बलिउड जब मेरो जीवन थियो, त्यो बेला म जहाँ सुटिङमा जान्थे, मसँग तीन सुटकेश हुन्थ्यो । एक सुटकेश कपडाको मन्दिर थियो । मन्दिरको सुटकेश जहिल्यै हुन्थ्यो । मलाई जुन कोठा दिए पनि एक टेबल मेरो अनुहारका लागि हुन्थ्यो । म त्यो टेबल पुजाका लागि राख्थें । म त्यो टेबलमा देवी देवताहरु स्थापित गर्थे । पूजा गरेपछि सुटिङमा जान्थें’, उनले भनेकी छन् ।
उनले अगाडि भनेकी छन्, ‘नवरात्रीमा पनि ९ दिनको संकल्प हुन्थ्यो । त्यसको मैले अनुष्ठान राखेकी थिएँ, कि म ९ दिन मात्र पानीको नवरात्र ब्रत बस्छु र ३ यज्ञ गर्नेछु,, बिहान, दिउँसो र बेलुका । ९ दिन मैले चन्दनको काठले यज्ञ गें । ९ दिन पानीले मात्र यज्ञ गरें । म यज्ञ गर्दा ३–४ घण्टा ध्यान गर्थें । बलिउडका डिजाइनर आएर तिमी गम्भीर भइरहेका छौ भन्थे ।’
उनले आफू ताजमा जाने गरेको पनि खुलाएकी छन् । ‘म ताजमा जान्थें । एक दुई नवरात्र यस्तै भयो । त्यो समय म स्कच लिन्थें । म दुई पेग मात्र पिउँथे । मेरो डिजाइनर थियो कम्बल जित । म उसलाई बाथरुम पुगेर आउँछु भन्थें । मेरो ९ दिनको तपस्या यस्तो थियो कि मभित्र अरु केही थिएन । यस्तो बेला मदिरा पिउँदा भित्र आगो बलेको अनुभव गर्थें । के हुँदैछ भन्ने आफैलाई थाहा हुँदैन थियो । यस्तो ४० मिनेट भयो । बाथरुम बाहिर भीड लाग्यो । मेरो डिजाइनर र मेकअपवाला बाहिरबाट ढोका ढकढकाए । त्यसपछि मैले मलाई के भएको छ, थाहा पाइन भन्दै माफी मागें ।’ ममता भन्छिन् ।
